Kryeministri i Kosovës: Masakra e Izbicës ishte ndër më makabret

“Masakra e Izbicës është një tjetër dëshmi e rrugës tonë drejt lirisë”, ka thënë kryeministri Ramush Haradinaj, pasi bëri homazhe te varret e 147 shqiptarëve të vrarë nga forcat serbe në 20-vjetorin e rënies së tyre, përcjell albinfo.ch.

 “Një nga viktimat e kësaj masakre ishte edhe Dafina, një vajzë e vogël, më pak se një vjeçe. Kjo dëshmon që Izbica ishte një ndër masakrat më makabre që kanë ndodhur në Kosovë dhe të tilla, për fat të keq, ka në gjithë vendin”, ka thënë kryeministri Haradinaj.