Xhaka beson se mund të shkojnë në Evropian

“Nëse luajmë së bashku mund të arrijmë Evropianin”, shton tutje mesfushori kuqezi

Fitorja ndaj Andorrës ka ngritur moralin në Kombëtaren shqiptare. Kuqezinjtë fituan bindshëm 3:0, duke marrë tre pikët e para në kualifikimet për Kampionatin Evropian “2020”.

I lumtur për fitoren ishte edhe mesfushori kuqezi, Taulant Xhaka. “Ishte shumë e rëndësishme fitorja. E kemi ditur se do të ishte e vështirë, sidomos fusha. E dinim se Andorra do të mbrohej dhe duhet të shfrytëzonim rastet”, ka thënë Xhaka për mediat shqiptare, përcjell albinfo.ch.

Kuqezinjtë në këtë ndeshje u drejtuan nga Ervin Bulku pas shkarkimit të Christian Panuccit.

“E vështirë ishte, pasi nuk kishim kohë ta analizonim Andorrën. Bulku bëri punë të mirë dhe kjo fitore na jep besim”, theksoi mesfushori i Baselit.

“Nëse luajmë së bashku mund të arrijmë Evropianin”, shton tutje mesfushori kuqezi.

---