Kosova

Fillojnë Javët e Frankofonisë në Kosovë

E hënë, 4 Mars 2019 - 14:40 albinfo.ch

Këtë javë, duke filluar që nesër, nga 5 mars deri me datë 31 mars, do të zhvillohet programi i Javëve të Frankofonisë.

Javët e Frankofonisë do të fillojnë në Prishtinë, duke vazhduar në 5 qytetet e tjera të Kosovës: Mitrovicë, Vushtri, Viti, Pejë dhe Prizren, përcjell albinfo.ch.

Ngjarjet, të cilat do të jenë pjesë e Javëve Frankofone janë organizuar në bashkëpunim me Ministrinë e Punëve të Jashtme, Ministrinë e Kulturës, Rinisë dhe Sportit, në bashkëpunim me ambasadat dhe përfaqësit diplomatike të Belgjikës, Zvicrës, Luksemburgut, Hungarisë, Republikës Çeke, si dhe me Aleancën Franceze, Prishtinë dhe Qendra Universitare Frankofone.