Qeni i familjes Bush fillon punën e re

Qeni i ish-presidentit të ndjerë amerikan, George H.W Bush, Sully, ka nisur një punë të re.

Në Qendrën Kombëtare Mjekësore ‘Walter Reed’, qeni i famshëm bëri betimin e improvizuar, me ç’rast ka nisur një punë të re. Sully do të angazhohet për të ndihmuar veteranët invalidë amerikanë dhe anëtarët e shërbimit aktiv. 

Sully u bë i njohur si kujdestar dhe shoqërues i vazhdueshëm i presidentit të 41-të të SHBA-së në fazat e fundit të jetës së tij.  Në Capitol, pas vdekjes së Bushit në 2018-N, Sully qëndroi me besnikëri pranë arkivolit të ish-pronarit të tij. 

“Për ne, dhe gjithë familjen e Bushit, ne e dimë se ku duhet të jetë Sully. Ai po vazhdon misionin e tij. Presidenti Bush ka thënë se jeta e suksesshme duhet të përfshijë shërbimin ndaj të tjerëve”, ka thënë Evan Sisley, përfaqësues i familjes presidenciale Bush. Në rolin e tij të ri si “përgjegjës” i spitalit në një objekt jashtë Uashingtonit, detyrat e Sullyt janë të ofrojnë përkrahje, rehati dhe gëzim për veteranët e plagosur, familjet dhe stafin e tyre, duke reduktuar stresin dhe duke shtuar pozitivitetin.