Shumica, për dhurimin “automatik” të organeve

Personit që nuk është përcaktuar me të gjallë të tij se është kundër dhënies së organeve, ato do t`i merren në mënyrë automatike

Kundër qëndrimit të Këshillit Federal (qeverisë), Dhoma Nacionale e Parlamentit të Zvicrës është përcaktuar me shumicë votash për variantin e dhurimit automatik të organeve. Sipas këtij varianti, të quajtur edhe “zgjidhja kundërthënëse) të gjithë njerëzit do të detyrohen të marrin qëndrim për atë nëse pas vdekjes do tu merren organet për transplantim ose jo.

Në këtë mënyrë dëshirohet të sigurohen më tepër organe në dispozicion për njerëzit që presin në radhë për transplantim të tyre në Zvicër.

Sipas “zgjidhjes kundërthënëse”, personit që nuk është përcaktuar me të gjallë të tij se është kundër dhënies së organeve, ato do t`i merren në mënyrë automatike. Por qeveria ndërkaq është shprehur se një rast i tillë është problematik nga aspekti i etikës.

Pas Dhomës Nacionale, çështja lidhur me dhurimin e organeve do t`i shkojë në shqyrtim Dhomës së Kantoneve.