Bota
Mobilizimi masiv kundër gjyqit të separatistëve katalanas
Sipas policisë spanjolle, në Barcelonë të shtunën kanë protestuar dyqind mijë persona, kundër gjykimit të dymbëdhjetë udhëheqësve të pavarësisë. Këto të fundit gjykohen për tentativën e shkëputjes së Katalonisë në tetor të vitit 2017
Një nga oratorët në miting, organizuar nga partitë dhe shoqatat separatiste, vlerësoi 500,000 pjesëmarrës, të cilët marshuan pas një flamuri që proklamonte se “vetëvendosja nuk është një krim”, transmeton Albinfo.ch.
Protestuesit valonin flamurin separatist blu, të kuq dhe të verdhë, si dhe parullat: “Liri për të burgosurit politikë”.
Çështja e dhunës është në qendër të gjykimit, me akuzën e diskutueshme të rebelimit që nënkupton një kryengritje të dhunshme, transmeton Albinfo.ch. Prokuroria është duke u bazuar në te, por separatistët pohojnë se dhuna e vetme ishte ajo e policisë në ditën e referendumit, imazhet e të cilave shkuan nëpër botë.
Në mungesë të Carles Puigdemont, ish presidentit katalanas i cili u arratis në Belgjikë, i pandehuri kryesor është ish nënkryetari i tij Oriol Junqueras, kundër të cilit prokuroria ka kërkuar 25 vite burg.
Dënime nga 7 deri në 17 vite u kërkuan kundër 11 të akuzuarve të tjerë, duke përfshirë ish presidentin e parlamentit katalanas, disa “ministra” rajonalë dhe udhëheqësit e shoqatave të fuqishme të pavarura ANC dhe Omnium Cultural.
Gjykimi duhet të zgjasë rreth tre muaj. Vendimi nuk pritet të shqiptohet deri në korrik.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?