Bota
Pse paga minimale është shumë e ulët në Gjermani?
Sipas raportit, rritja e pagës minimale arriti një mesatare prej 2.7% në 22 shtete, por rritja ishte më e ngadaltë në vendet perëndimore
Pagat minimale janë rritur në të gjithë Bashkimin Evropian, megjithatë, Gjermania renditet nga fundi i vendeve të Evropës Perëndimore, sipas një raporti të fondacionit Hans Böckler.
Raporti tregoi se Gjermania rezultoi në vend të parafundit, me 9.19 euro për orë (10.35$), pavarësisht rritjes me 35% më herët gjatë vitit.
Gjermania mposhti vetëm Mbretërinë e Bashkuar, me një pagë minimale prej 7.83 funte që vlen tashmë 8.85 euro.
Megjithatë, kjo e fundit është rezultat i rënies së funtes nga referendumi për Brexit, transmeton Scan.
Pavarësisht se pagat gjermane ishin më të larta në krahasim me vendet e Evropës Lindore e Jugore, punëtorët janë ende të cenuar nga varfëria.
Paga minimale, që arrin në rreth 1,146 euro në muaj pas taksave dhe kontributeve sociale, mezi kalon kufirin e varfërisë dhe përbën vetëm 48% të të ardhurave mesatare kombëtare, përcjell albinfo.ch.
Për krahasim, vende si Turqia ofrojnë një pagë minimale prej rreth 74% të të ardhurave mesatare kombëtare, ndërsa në Portugali, shifra arrin në 61%. Pavarësisht se Gjermania ka një reputacion për qiratë dhe kostot e lira të jetesës krahasuar me standardet e Evropës Perëndimore, paga minimale ka mbetur pas.
Sipas raportit, rritja e pagës minimale arriti një mesatare prej 2.7% në 22 shtete, por rritja ishte më e ngadaltë në vendet perëndimore.
Më herët gjatë vitit, Ministri i Punës Hubertus Heil, lajmëroi se Gjermania do të përpiqet të caktojë një pagë minimale evropiane, kur të marrë presidencën e Këshillit Evropian në 2020.
Kjo do të afrojë Evropën drejt objektivave të 2020-ës dhe do të nxjerrë 20 milionë njerëz nga rreziku i varfërisë. Nga ana tjetër, një trend rritës i pagës minimale është vëzhguar në vendet jugore dhe lindore.
E-Diaspora
-
Bizneset nga diaspora vizitojnë shtëpinë e Kosovës Pa dyshim se “Shtëpia e Kosovës” është një nga komponitë më në zë, si nga ana...
-
Shqiptari diplomon në Columbian University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?