Bashkëpunim Zvicër-SHBA në fushën e teknologjisë mbrojtëse

Qeveria zvicerane ka dhënë dritën e gjelbër për forcimin e bashkëpunimit për kërkimin e armatimeve me Shtetet e Bashkuara.

Qëllimi është zhvillimi i teknologjisë së informacionit dhe sensorit për përdorim ushtarak dhe civil, sipas një deklarate të Ministrisë së Mbrojtjes të mërkurën.

Zhvillimi i teknologjive të tilla ka gjasa të jetë vendimtare për performancën dhe cenueshmërinë e një sistemi kyç të forcave të armatosura të Zvicrës, thotë ministria.

Marrëveshja do të lejojë Zvicrën të përfitojë nga bashkëpunimi më i ngushtë me institucionin kërkimor në SHBA, veçanërisht për transferimin e përvojës dhe njohurive për sistemet e ardhshme në ushtri dhe për mbrojtjen e popullatës civile nga armët bërthamore, biologjike dhe kimike, përcjell albinfo.ch.

Marrëveshja bilaterale është e vlefshme për 20 vjet pas nënshkrimit nga të dy shtetet.

Zvicra bashkëpunon me disa vende të tjera, përfshirë Gjermaninë, Francën, Suedinë, Norvegjinë, si dhe Izraelin dhe Australinë, për çështjet e armatimit.

Agjencia Evropiane e Mbrojtjes, një institucion ndërqeveritar i Bashkimit Europian, vitin e kaluar propozoi rritjen e bashkëpunimit me Zvicrën.