Të huajt me vështirësi gjejnë banesë

Cengiz Kayihan, bankier turk, me këtë emër e kishte vështirë të gjente një banesë në Pfäffikon Schwyz, edhe pse ishte rritur në Zvicër

Kayihan kishte pëlqyer një banesë, por me emrin turk ishte refuzuar. Kayihan, siç raporton Tele Zürich, për të vërtetuar se të huajt shpesh janë të diskriminuar edhe kur kërkojnë banesë, kishte vendosur të aplikonte me një emër të improvizuar zviceran dhe kishte pasur sukses.

Turku kishte siguruar një termin, ku ishte njoftuar nga qiradhënësit se nuk janë të dëshiruar të huajt në këto banesa, por vetëm zviceranët dhe gjermanët. Cengisi thotë të mos jetë rasti i parë që të huajt refuzohen për banesë për shkak të emrit të tyre.

Për të evituar diskriminim shoqatat kundër racizmit kanë propozuar që aplikacionet për të marrë një banesë me qira të jenë anonime, që të merren parasysh kriteret e tjera, e jo origjina