Gjermani: Kthim rekord i refugjatëve në vendet e tjera të BE-së

Gjermania gjatë vitit 2018 ka shënuar një numër rekord të kthimit të refugjatëve në vendet e tjera të Bashkimit Europian. Shumica e azilkërkuesve të dëbuar u kthyen në Itali.

Transferimi i azilkërkuesve nga Gjermania drejt vendeve të tjera të BE-së gjatë 2018-ës ka mbërritur në 24,5 %, nga 15.1 % që ishte në 2017-ën.

Veprimet e saj diktohen nga rregullorja e Dublinit e Bashkimit Europian, ku nënvizohet qartë se aplikimet duhet të përpunohen në vendin e parë të mbërritjes. Raporti i Ministrisë së Brendshme, i siguruar nga e përditshmja gjermane Süddeutsche Zeitung, tregon se në periudhën janar-nëntor të vitit të kaluar, gati 8,660 refugjate janë larguar nga Gjermania pasi iu kërkua një gjë e tillë, shkruan tch, përcjell albinfo.ch.

Shtimi i numrit të deportimeve të personave, të cilëve u është refuzuar kërkesa për azil, ishte një prej objektivave të ministrit të Brendshme, Horst Seehofer, i cili e kërkonte me këmbëngulje si pjesë e politikave që synojnë reduktimin e fluksit të refugjatëve dhe përmirësimin e menaxhimit të kërkesave për azil nga Zyra Federale të Emigracionit.

Kriza e emigracionit atje nisi ne fundin e 2014-ës, me intensifikimin e eksodit të personave që u largoheshin konflikteve dhe varfërisë në Siri, Irak, Afganistan apo Somali.