Franca mbetet pa radarë, i demoluan «xhaketat e verdha»

Protestuesit francezë i kanë demoluar radarët, të cilët ata i konsiderojnë si «grabitës modernë». 60 për qind e pajisjeve tashmë janë shkatërruar, shkruan albinfo.ch.

Mijëra veta ishin në Francë përsëri në rrugë gjatë fundjavës. Jo aq sa para Krishtlindjeve, në fund të fundit, Emmanuel Macron bëri lëshime dhe reduktoi eko-taksat për derivate. Sot, presidenti ka sugjeruar gjithashtu që qytetarët tani shprehin kritikat e tyre dhe të bëjnë propozime për reforma në një “debat nacional”. Një çështje pa dyshim do të jetë reduktimi i kufijve të shpejtësisë, e cila është kritikuar ashpër nga «xhaketat e verdha» që nga fillimi, përcjell albinfo.ch.

Deri në verë në rrugët e Francës kishte një limit të shpejtësisë për automjetet deri 90 km/h, ndërsa nga 1 korriku kanë marrë vendim autoritetet ta zbresin limitin në 80. Kush kapet më shpejt, merr një dënim prej së paku 68 euro.

Në këtë reduktimi janë përfshirë rreth 400,000 kilometra rrugë. Edhe nëse ngisni automjetin me telefon, duhet të paguani mbi 100 euro. Në Francë, telefoni celular në timon nuk mund të mbahet as në dorë. Gjatë drejtimit të automjetit gjithashtu janë të ndaluar edhe kufjet.

Autoritetet arsyetohen se me reduktimin e përkohshëm të shpejtësisë mund të shpëtojnë deri  400 jetë në vit. Franca ishte pikërisht mbi mesataren e BE -së në vitin 2017, me 53 vdekje për milion banorë.

Por arsyet për reduktimin e përkohshëm nuk i kanë bindur francezët. Rreth tre të katërtat janë kundër masës, e cila me të vërtetë ka zgjuar zemërimin e «xhaketave të verdha». Demonstruesit kanë demoluar radarët, numri i të cilëve është rritur. Sipas shifrave zyrtare, rreth 60 për qind e kamerave të shpejtësisë që nga ajo kohë janë bërë të papërdorshme në nivel vendi.

Që nga mesi i nëntorit, gati gjashtë nga dhjetë instalimet e radarëve janë “jofunksional, të sulmuar dhe të shkatërruar”, thotë ministri i Brendshëm, Christophe Castaner. Radarët janë hedhur në erë, vizatuar, ngjitur, mbështjell me qese plehrash. Kushdo që shkatërron një radar të shpejtësisë, do të përballet me 75,000 franga gjobë dhe pesë vjet burgim në Francë.

Qeveria e Francës pret që me kufizimet e reja të shpejtësisë të shtojë të ardhura prej 1.2 miliard eurosh për vitin 2019. Dy vjet më parë, shteti “fitoi” nga dënimet një miliard euro.