OEAK kundër taksës 100%, thotë se gjeneron efekte negative

Oda Ekonomike Amerikane në Kosovë, ka kritikuar vendimin e Qeverisë së Kosovës për masën për mallrat serbe dhe boshnjake. 

“Oda Amerikane beson se çfarëdo vendimi për barriera tarifore dhe jotarifore, do të gjenerojë efekte negative për ekonominë e Kosovës në periudhë afatgjatë, meqë do të ndikojë në ngadalësimin e rritjes ekonomike dhe do të pengojë prospektet për krijimin e vendeve të punës, duke lënë në hije efektet pozitive shkurtpamëse që vendimi mund të ketë”, thuhet në një letër të Odës Ekonomike Amerikane. 

Aty, gjithashtu, shprehen shqetësime lidhur me nivelin e dobët të dialogut institucional dhe formal ndërmjet sektorit publik dhe privat, ndërlidhjen e politikës me raportet ekonomike dhe tregtare dhe ndërhyrjen e shpeshtë të institucioneve dhe zyrtarëve qeveritarë në sektorin privat.