Thaçi: Ushtria erdhi natyrshëm, ishte proces i vonuar por jo i gabuar

Presidenti Hashim Thaçi, ka marrë pjesë në seancën e Këshillit të Sigurimit të OKB-së, ku ka deklaruar se Kosovës vendimi për themelimin e ushtrisë e ka pasur të natyrshëm.

“Jemi thirrur në një seancë të jashtëzakonshme kur jemi në një gjendje krejt normale në Kosovë. Asgjë e jashtëzakonshme nuk ka ndodhur në Kosovë javën e kaluar, ajo që ka ndodhur është një vendim krejt normal, nëse Kosova ka bërë gabim është se ka pritur pesë vite pa nevoje për vendimin e ushtrisë”, ka deklaruar Thaçi.

Sipas tij, vendimi për ushtrinë është i vonuar e jo i gabuar.

“Nëse Kosova ka bërë gabim, është se ka pritur pesë vite pa nevojë për themelimin e ushtrisë. Vendimi për ushtrinë është i vonuar, dhe assesi i gabuar. Është i vonuar sepse kemi pritur vullnet të mirë nga ata që kurrë nderi më tani, nuk e treguan në raport me Kosovën”, ka thënë tutje Thaçi.

Ai ka ngritur pyetjen para OKB-së,  se çka ka të keqe  ose të jashtëzakonshme themelimi i ushtrisë së Kosovës.

Thaçi, ka thënë se  transformimi i FSK-së në Ushtri, nuk është bërë në kundërshtim të asnjë ligji.

“Themelimi i Ushtrisë është vullnet i qytetarëve të Kosovë, nga të zgjedhurit të popullit”, ka shtuar Thaçi.

Në anën tjetër edhe Presidenti i Serbisë, Aleksandër Vuçiq, i cili po merr pjesë në të njëjtin këshill, ka thënë se Serbia, po gjendet në situatë të vështirë.

“Jemi në një situatë e vështirë më të cilën po përballemi çdo ditë e më shumë në sipërfaqen e Kosovës, duhet ta them se jam shumë i brengosur dhe pak i frikësuar për të ardhmen jo vetëm të popullit tim por edhe për të gjithë rajonin”, ka thënë Vuçiq.

Sipas tij: “Serbia ka bërë prekjeje të tepërta për të ruajtur dhe mbajtur paqen dhe stabilitetit në gjithë rajonin e Ballkanit Perëndimor, duke u përmbajtur nga reagimet që vinin nga Prishtina”.

Sipas tij Serbia ka përmbushur të gjitha marrëveshjet që kanë nënshkruar në marrëveshjet e Brukselit.

Ai foli edhe për fajsimet që i janë drejtuar Serbisë pasi që Kosova nuk është pranuar në INTERPOL dhe UNESCO.

Sipas tij Kosova ktheu zemrimin e saj  në tarifën 100% ndaj Serbisë.

“Por paritmes vendosin tarifa në kundërshtim me CEFTA-n dhe BE-në, duke vendosur në fillim 10% dhe pastaj e ngritën atë në 100%, duke e mbyllur çdo tregti mes Kosovës dhe Serbisë, dhe kanë vënë në rrezik një komunitet të tërë serb në Kosovë”, tha ai.

Vuçiq tha edhe se formimi i Ushtrisë së Kosovës nuk u nxorr nga asnjë dokument, “Këtë nuk e  gjënë as në kushtetutën e tyre, të cilën ne nuk e njohim”.

---