Hoxha kërkon që BE-ja të mos i mbajë të izoluar kosovarët

Ministrja e Integrimit Evropian e Kosovës, Dhurata Hoxha, ka marrë pjesë në takimin e nivelit të lartë në Bruksel, nën organizimin e “Friends of Europe”, me temën “BE-Ballkani Perëndimor: Zgjerimi, integrimi dhe sfidat e transformimit”, ku ka folur për mosliberalizimin e vizave.

Ministrja ka thënë se Komisioni Evropian, edhe pse ka konfirmuar përmbushjen e kritereve nga Kosova, ende nuk ka rezultate, madje pa shpjegime të arsyeshme pse BE-ja nuk është në gjendje të mbajë premtimin e saj dhe të respektojë rregullat dhe procedurat e veta, përcjell albinfo.ch.

Ajo ka shprehur brengën që Kosova është i vetmi vend i izoluar në Ballkanin Perëndimor. “Procesi i integrimit evropian është një nga qëllimet kryesore të vendit tonë, pasi kemi vlerat dhe parimet e përbashkëta të Evropës”, citohet të ketë thënë Hoxha.