Kosova eksporton pa taksë produkte në Zvicër, Norvegji e Islandë

Ministri i Tregtisë dhe Industrisë, Endrit Shala, ka nëshkruar marrëveshjen e bashkëpunimit me vendet e EFTA-së, marrëveshje e cila lejon që produktet të cilat prodhohen në Kosovë të eksportohen në Zvicër, Norvegji e Island pa asnjë task, shkruan Albinfo.ch

Marrëveshja u arrit pas takimit me, Ministrin për Ekonomi, Edukim dhe kërkim të Federatës së Zvicrës z. Johann N. Schneider-Amman, me Ministrin e Tregtisë dhe Industrisë së Norvegjisë z. Torbjørn Røe Isaksen, Ministrin e Punëve të Jashtme dhe Tregtisë së Jashtme të Islandës z. Gudlaugur thor Thordarson, dhe Ministren e Ministrisë së Punëve te Jashtme, Drejtësisë dhe Kulturës së Litenshtajnit znj. Aurelia Frick.

„Ky është një moment i jashtëzakonshëm për ne si shtet, për ekonominë tonë, pasi është një hap para, në rrugën e duhur deri ta arrijmë nënshkrimin e marrëveshjes së tregtisë së lirë me këto vende. Një marrëveshje e tillë nënkupton që të gjitha produktet që prodhohen në Kosovë të eksportohen në Zvicër dhe në vendet tjera të lartpërmendura pa asnjë taks. Në vazhdën e punës tonë për ta promovuar prodhimin vendor dhe eksportin ne tashmë po hapim rrugë dhe po gjejmë partner dhe tregje të reja për produktet tona“, ka shkruar Shala në llogarinë e tij në Facebook.