Angela Martini shpërthen në kopertinat e revistës Maxim

Magazin e famshme për meshkuj “Maxim” e ka quajtur modelen shqiptare si "exportin më të bukur zviceran”

 Top modelja e famshme shqiptare-zvicerane, Angela Martini  është shfaqur në ballinën e revistës së famshme për meshkuj, edicioni zviceran “Maxim”.

Magazina zvicerane vjen këtë  edicioni më një editorial mbresëlënës me fotografi të “nxehta” të Angela Martinit  në ballinë dhe në brendi të saj. Fotografitë speciale për “MAXIM” vijnë nga fotografi i njohur shqiptar Fadil Berisha.

Maxim ka realizuar një intervistë me shqiptaren me origjinë nga Shkodra e Shqipërisë. Ajo ka folur për jetën  e saj në Los Angeles dhe New York

Lajmin e ka konfirmuar edhe modelja , e cila përmes Instagram ka sjellë te lexuesit e saj edhe një foto të kopertinës. Ajo ka falënderuar të gjithë ata kanë mundësuar këtë sukses të saj.

“Faleminderit! Faleminderit çdokujt në ekip që punon me mua dhe që e bën këtë të ndodhë. Dhe për fotografin e mahnitshëm Fadil Berisha. Ju dua @fadilberisha@lila_at@elinhair@isabelnycmakeup”, ka shkruar modelja në profilin e saj.

Kohët e fundit top modelja e famshme shqiptare-zvicerane ka zyrtarizuar lidhjen me multimilionerin  nga Cyrihu, Tim Voegele. 

Angela Martini është lindur në Shkodër.  Ajo ka jetuar në Zvicër, Cyrih, para se të depërtonte në skenat e mëdha të modelizmit në Nju Jork.

Në SHBA ajo është aktive edhe si ndërmarrëse duke publikuar koleksionin e saj të parë të kostumeve të plazhit me emrin „Martini Bikini”.　

Ajo ka punuar edhe me top-modelet më të mëdha të botës si Gisele Bündchen dhe Kate Moss etj.