Vuçiq: Duhet të përgatitemi për luftë të gjatë, se njohim Kosovën

Në alarm e ka vënë Qeverinë serbe vendimi i Qeverisë së Kosovës për rritjen e taksës nga 10 në 100% për produktet serbe që importohen në Kosovë. 

Presidenti serb, Aleksandër Vuçiq, pas takimit që ka pasur me përfaqësuesit e Listës serbe ka thënë se duhet të përgatitemi për luftë të gjatë dhe të vështirë.  

Ai u ka thënë serbëve të Kosovës se nuk do t’i lërë në mëshirë. 

“Duhet të përgatitemi për luftë të gjatë, sepse pavarësinë me siguri nuk do ta njohim”, ka thënë Vuçiqi, duke komentuar deklaratën  e kryeministrit Haradinajt se Kosova nuk do ta ndërpresë taksën ndaj mallrave serbe derisa Serbia të mos e njohë pavarësinë e Kosovës. 

E kryetari i Listës serbe, Goran Rakiq, ka deklaruar se masat e Kosovës për vënien e taksës 100 për qind në mallrat që vijnë nga Serbia e Bosnja e Hercegovina kërcënojnë të shkaktojnë krizë humanitare. 

Rakiq ka shtuar se pasojat e këtij vendimi tashmë po ndihen, duke theksuar se alternativa tregtare nuk ka.