Kë zgjedh Challandes mes Kosovës dhe Zvicrës?

“Unë jam trajner i Kosovës dhe do ta harroja Zvicrën në këtë situatë”, u përgjigj ai

Trajneri i Kosovës, Bernard Challandes, ka bërë mrekulli deri më tani me Kosovën në futboll, duke u etiketuar si një nga më të merituarit për sukseset që arritën në Ligën e Kombeve.

Kosova është kualifikuar në gjysmëfinale të “Play-off”-it dhe ka gjasa për Evropian. “Më herët ishte hapi i parë për ekipin, ishte një ëndërr. Tani është ndryshe. Bëhet fjalë mundësinë e kualifikimit në Kampionatin Evropian, por do të jetë e vështirë sepse mund të luajmë kundër Francës, Anglisë apo Kroacisë.

Tani i kemi ndeshjet kualifikuese dhe ekziston mundësia që të luajmë me ndonjë ekip të fuqishëm. Me këtë përvojë mund ta kuptojmë se sa kemi arritur.

Maqedonia është ekip i mirë, por gjithashtu edhe ne e kemi mundësinë për të përparuar. Kemi kohë për t’u bërë gati, 1 vit apo 1 vit e gjysmë”, është shprehur trajneri zviceran në emisionin “Info Magazine”, përcjell albinfo.ch.

Trajneri zviceran u pyet edhe në lidhje me atë se si do të ndihej nëse përfaqësuesja e Kosovës do të luante më atë të shtetit të tij, Zvicrës:

“Unë jam trajner i Kosovës dhe do ta harroja Zvicrën në këtë situatë”, u përgjigj ai.

Për të nuk është hera e parë që punon me shqiptarët. “Kam punuar në Zvicër me disa lojtarë nga Kosova dhe kam qenë trajner me lojtarë të rinj si Valon Behrami. E di mentalitetin e tyre pasi futbolli është pasion për shumë njerëz të Kosovës.

Për mua kjo ishte një arsye për të ardhur këtu, sepse mendoja që në Kosovë kemi lojtarë të mirë dhe federata do të përparojë. Është mirë të punojmë për futbollit”.

Sa i përket gjuhës shqipe, Challandes ka thënë se i di disa fjalë: “Me lojtarët e Ekipit Kombëtar të Kosovës mund të flas shqip: “Po”, “Jo”, “Mirëdita”, pasi gjuha shqipe nuk është një gjuhë e lehtë”.

---