Shënohet 50 vjetori i Zvicrës në KE

Në kuadrin e 50 vjetorit, 50 të rinj, disa prej tyre edhe nga Shqipëria, do të kalojnë disa ditë në Zvicër, ku do të mësojnë për funksionimin e shtetit të së drejtës, për demokracinë e drejtpërdrejtë etj.

Në prag të 50 vjetorit të inkuadrimit të Zvicrës në Këshillin e Eropës, të martën ka udhëtuar për në Strasburg ministri i jashtëm i Zvicrës Didier Burkhalter.

Me këtë rast ai ka shfrytëzuar platformën e Asamblesë parlamentare të KE-së për të folur për veçoritë e Zvicrës. Demokracia e drejtpërdrejtë, sistemi federalist, sistemi “milicor” i mbrojtjes janë disa nga të veçantat që Zvicra ia ofron botës dhe që përbëjnë, sipas Burkhaletrit, “recetën e suksesit të Zvicrës”.

“Promovimi i të drejtave të njeriut dhe i shtetit juridik ndodhen, si të thuash “në gjenet e këtij vendi”, shkruan nzz.ch

Në 50 vjetorin e pranisë së Zvicrës në Parlamentin Evropian, do të organizohen një sërë aktivitetesh. Në mesin e tyre do të jetë edhe vizita që në javën e ardhshme një grup me numër simbolik prej 50 të rinjsh nga 11 vendet e reja të anëtarësuara në KE do ta bëjë në Zvicër dhe në Strasburg.

Këta të rinj, në mesin e të cilëve disa do të jenë edhe nga Shqipëria, do të kalojnë disa ditë në Zvicër ku do të mësojnë për jetën e këtushme, për funksionimin e shtetit të së drejtës, për demokracinë e drejtpërdrejtë etj. Ata një pjesë të mirë të qëndrimit të tyre në Zvicër do ta kalojnë në Glarus, kur do të njihen me funksionimin e komunave fshatare “Landesgemeinde”, që janë shprehje e drejtpërdrejtë e demokracisë së drejtpërdrejtë tradicionale të Zvicrës.

Më 6 maj në Univesritetin e Freibugut do të mbahet një aktivietet në shenjë të jubileut 50 vjeçar, me ç`rast, përveç ministrit Burkhalter do të marrë pjesë edhe sekretari i përgjithshëm i Parlamentit Evropian, Thorbjorn Jagland.