Klubi shqiptar i futbollit FC Kosova München drejt promovimit në një rang më të lartë 

Klubi FC Kosova München është klub futbolli i themeluar në vitin 1991 në qytetin e Mynihut në Gjermani. Që nga viti 1992, është duke bërë gara aktive në ligën rajonale të qytetit Mynih dhe është i regjistruar si klub i rregullt (eingetragene verein).

Aktualisht, ky klub ka dy skuadra që bëjnë gara në Ligën e amatorëve të futbollit gjerman FC Kosova München dhe dy ekipet e seniorëve A dhe B. Ndeshjet e saj FC Kosova i zhvillon në qendrën sportive në München-Aubing, në Mynih.

Për momentin, FC Koosva është në krye të tabelës dhe po shkëlqen me lojërat e këtij sezoni, duke mbajtur pozitën e liderit me një diferëncë prej 11 pikësh nga pasuesi FC Neuhadern, me gjasa të mëdha për t`u inkuadruar në një rang më të lartë, shkruan Albinfo.ch.

FC Kosova është fituese e shumfishtë e Kupës së Diasporës dhe fituese e parë e Superkupës Kosovë/Diasporë në vitin 2014 duke mposhtur fituesin e Kupës së Kosovës Feronikelin me 3:1 . Gjithashtu vlen të përmendet se seniorët A në vitin 2015 u shpallën kampionë në Oberbayern duke lënë pas klubin me nam botëror, FC Bayern München.

Përveç kësaj, edhe ekipi i dytë gjendet në krye të tabelës në grupin B. Mediat gjermane vazhdojnë të shkruajnë për sukseset e ekipit futbollisitik shqiptar, herën e fundit pas fitores si mysafirë kundër ekipit TSV 1860 München me rezultat të thellë 1:5, duke siguruar pozitën e parë në fund të këtij sezoni.