E-Diaspora
Krasniqi i dhuron Cleverly-t një minifund dhe e quan atë “princeshë”
"Cleverly këtë luftë e ka anuluar tri herë. Kjo është diçka për vajza, prandaj unë atë e quaj princeshë", thotë Robin Krasniqi, i cili sonte kryqëzon dorezat me Cleverly-n
Boksieri nga Kosova me qëndrim në Gjermani, Robin Krasniqi, ndryshe i njohur edhe me emrin Haxhi Krasniqi, nga nëntori 2012 është numri 1 në ranglistën botërore të WBO-së, kategoria gjysmë e rëndë. Me këtë, ai është sfidues zyrtar i kampionit botëror të këtij versioni, Nathan Cleverly.
Sfida zhvillohet sonte në Wembley të Londrës .
I provokuar nga tri shtyrjet që i ka bërë deri më tash boksieri nga Uellsi përballjes me të, Krasniqi është kujtuar t`i bëjë atij një befasi: i ka blerë një minifund grash me mbishkrimin “The Princess”, të cilin ia ka dhuruar një ditë para meqit.
“Më keq kishte vepruar Cleverly, i cili këtë luftë e ka anuluar tri herë për shkak të dhembjeve të barkut. Kjo është diçka për vajza. Për këtë arsye unë tash e tutje atë e quaj vetëm princeshë”, thotë me shpoti Krasniqi 25 vjeçar, një kushëri i largët i Luan Krasniqit. “Me këtë veprim, rundin e parë ai e ka tashmë të fituar”, komenton gazeta Bild.
Haxhiu ose Robini, ka ardhur në Gjermani si 17 vjeçar. Në Munih ai pati filluar një zanat për shitës. Por ndërkohë ka zbuluar dashurinë e tij për boksin, duke u bërë numër një në listën botërore WBO, në kategorinë gjysmë të rëndë.
“Kur të jetë shtrirë përtokë princesha, si bono do të kemi edhe biletat për finalen e Ligës së kampionëve në Wembley, me Bajernin”, thotë promotori Ulf Steinfurth. Sepse, si qytetar i Munihut, është e nënkuptueshme që Krasniqi të jetë fans i Bajernit. Ai takohet herë pas here edhe me Xherdan Shaqirin për të pirë me të një kafe.
Fituesi i meqit Krasniqi-Cleverl do të mbrojë titullin kundër Jürgen Brähmer-it
Të tjera nga E-Diaspora
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?