Shkurt.ch
Ish mafiozi u ligjëron menaxherëve
Ajo që te mafia funksionon me dekada, duhet të funksionojë edhe në cilindo biznes, mendon ish bosi i mafisë, Lou Ferrante
Ai i ka bërë të gjitha: plaçkitje me dhunë, shantazhim, lëndim trupor, mashtrim… por asnjërën nga këto nuk i bën më. Lou Ferrante, 43 vjeçar, ka qenë një bos mafioz por tash ai është rehabilitar dhe, për më tepër, u mban ligjërata menaxherëve se si duhet të udhëheqin bizneset e tyre.
Ajo që te mafia funksionon me dekada, duhet të funksionojë edhe në cilëndo firmë, ka menduar ish bosi i mafisë Lou Ferrante dhe me këtë logjikë ai po nxjerr tashmë fitime të majme. Ky burrë nga Nju Jorku fiton 4000 euro për çdo ligjëratë që mban.
Sa ishte mafioz, ai sigurisht fitonte më shumë, por ilegalisht: “Kam kryer çdo lloj vepre penale përveç vrasjes. Këtë nuk mund ta bëj”, thotë ai.
Në moshën 12 vjeçare Ferrante kishte filluar me vjedhje, si 20 vjeçar ai kishte udhëhequr një bandë të dhunshme mafiozësh. Duke rrëmber kamionët, ai fitonte brenda 10 minutash 100 mijë dollarë.
Por pas tetë vitesh të kaluara në burg, Lou bëri një thyerje në jetën e vet, vendosi të fillonte një jetë të re, si shkrimtar dhe si ligjërues. Ai ua mëson menaxherëve rregullat mafioze: “Respekto zingjirin komandues. Mos i beso secilit. Bëje qëndrimin tënd në mënyrë të pakeqkuptueshme të qartë. Shmangiu lakmisë”.
Megjithatë, Ferrante merret edhe më tutje me mafinë, ndonëse jo duke punuar për të por duke i intervistuar bosët e fuqishüem mafiozë nga Camorra e Napolit e deri te gangsterët e “18th street” në El Salvador.
Të tjera nga Shkurt.ch
E-Diaspora
-
Presidentja Osmani: Regjistrohuni mërgimtarë Presidentja e Kosovës, Vjosa Osmani ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë