Çdo i dyti ndjek një zanat në Zvicër

Më shumë se gjysma e të rinjve filluan orientimin shkollor profesional në Zvicër, sipas Sekretariatit Shtetëror për Arsim, Hulumtim dhe Inovacion.

Një e treta e të rinjve kanë zgjedhur shkollën e mesme. Në përgjithësi, pothuajse të gjithë, ose 92 për qind e të anketuarve janë të kënaqur me zgjedhjen e drejtimit të tyre, përcjell albinfo.ch.

Nga më shumë se 80 mijë vende të lira për të ndjekur një zanat për orientim shkollor profesional në Zvicër, vetëm pak nën 70 mijë ishin plotësuar. Nga ana tjetër, relativisht pak vende pune mbetën të hapura në ndërtimtari, bujqësi dhe pylltari.

30 për qind nuk morën asnjë aplikacion, 70 për qind ishin ato me kualifikime të pamjaftueshme, siç raportuan kompanitë e anketuara.

Në sektorin e transportit, shërbimeve financiare dhe të sigurimeve, si dhe artit, rekreacionit dhe minierave, pothuajse të gjitha vendet e ofruara për mësim janë zënë.

Një e treta e të rinjve ka vendosur pas shkollës së detyrueshme për një shkollë të mesme ose një shkollë profesionale. Nga 56 për qind, femrat përbëjnë shumicën në këtë nivel arsimor. Subjektet e preferuara ishin në shkolla të mesme të ekonomisë, drejtësi, biologji dhe kimi. Më shpesh janë përzgjedhur shkollat ​​e mesme të specializuara në shëndetësi.