Haradinaj merr mbështetje nga Islanda për anëtarësimin e Kosovës në Interpol

Kryeministri Ramush Haradinaj ka thënë se ka marrë premtim nga ana e Presidentit të Islandës Gudni Johannesson në lidhje me anëtarësimin e Kosovës në Interpol dhe në organizatat e tjera ndërkombëtare.

Haradinaj me anë të një postimi në Facebook, ka thënë se ky premtim erdhi pas takimit me presidentin islandez në Forumin ‘Bloomberg Business Forum’ i cili po mbahet në New York.

“Me presidentin e Islandës Jóhannesson patëm një bashkëbisedim të frytshëm në kuadër të Bloomberg Business Forum në Neë York. Krahas dakordimit për thellimin e bashkëpunimit bilateral, Presidenti Jóhannesson premtoi se do ta mbështesë Kosovën për anëtarësim në Interpol dhe organizata të tjera ndërkombëtare”, ka shkruar Haradinaj në Facebook.