Dy persona të arrestuar për dhunë ndaj grave

Policia e Kosovës njofton se ka arrestuar 14 persona gjatë 24 orëve të fundit, dy prej tyre për dhunë ndaj grave.

Rasti i parë ka ndodhur në Fushë-Kosovë, ku personi i arrestuar pas një mosmarrëveshjeje ka sulmuar fizikisht viktimën, të cilës i ka shkaktuar lëndime trupore, përcjell albinfo.ch.

“Viktima ka pranuar tretman mjekësor. Pas intervistimit, me vendim të prokurorit i dyshuari është dërguar në mbajtje”, theksohet në njoftimin e policisë. Ndërsa një person për këtë arsye është arrestuar në Graqanicë. “Është arrestuar i dyshuari mashkull K/rom, pasi që i njëjti pas disa mosmarrëveshjeve, e kishte keqtrajtuar fizikisht viktimën femër serbe, shtetase e Serbisë. Viktimës i është ofruar ndihma mjekësore, ndërsa pas intervistimit, me vendim të prokurorit, i dyshuari është dërguar në mbajtje”, tregon policia.