Zvicra harxhon më shumë për sigurinë e azilkërkuesve

Qeveria Federale e Zvicrës ka shpenzuar vitin e kaluar 69 milionë franga për akomodimin e azilkërkuesve

Siguria kap një të katërtën e kostos në fushën e azilit në Zvicër. Kështu thotë një studim i Institutit “Ecoplan” i kryer me kërkesën e Zyrës Federale për Migracion (BFM).

19 milionë franga janë harxhuar për sigurinë në qendrat e pranimit të azilkërkuesve. Të gjitha mjetet shkuan në kontot e firmave që janë përgjegjëse për siguri.

 
10 milionë është kostoja e kujdesit për azilkërkuesit. Për të gjitha qendrat e përkrahjes së azilkërkuesve ishte përgjegjës “ORS”. Në përgjithësi, shpenzimet për stafin arritën shumën mbi 50 milionë euro.

Kostoja e azilit është rritur që nga viti 2007 për 26 milionë euro.

“Arsyeja për këtë rritje është kryesisht për shkak të kërkesave të shumta për azil”, tha Michael Glauser për gazetën javore «WOZ».