Larje falas të veturave kabrio, por me një kusht

Me idenë e tij spontane, vozitësi i kabrioletit ka habitur stafin e sjellshëm të garazhit "Best Carwash" në Cyrih: "Klienti ka ardhur shpesh tek ne, por deri më tani vetëm me vetura të mbyllura", ka pohuar Yves Keller, anëtar i bordit drejtues.

KEY

Në një autolarje në Cyrih, një klient ka dashur të pastrojë kabrioletin e tij, me çatinë e hapur. Për të ka qenë një sfidë e vërtetë.

Ai ka shkuar në një autolarje pas nxehtësisë së madhe, për ta freskuar veturën dhe veteveten e tij, me furça të tekstilit dhe shkumë. Në fund të larjes, ai ishte lagur deri në palcë.

Me idenë e tij spontane, vozitësi i kabrioletit ka habitur stafin e sjellshëm të garazhit “Best Carwash” në Cyrih: “Klienti ka ardhur shpesh tek ne, por deri më tani vetëm me vetura të mbyllura”, ka pohuar Yves Keller, anëtar i bordit drejtues. Njëri nga nëpunësit ia ka plotësuar dëshirën, shkruan “20 Minuten”, përcjell Albinfo.ch.

Keller nuk kishte njohuri nëse freskimi ka qenë i këndshëm, ndërsa janë përkujdesur që furçat e buta, të cilat nuk janë të rrezikshme për lëndime eventuale, i kanë ngritur pak më lartë, në mënyrë që të mos e prekin fytyrën e vozitësit. Pas larjes së veturës, vozitësi i lagur tërëisht ka shprehur kënaqësinë e tij nga veprimi. “Do të thahem përsëri nga dielli”, ka thënë ai.

Garazhi “Best Carwash”, veprimin e ka pranuar si një sfidë të verës. Ai i cili ka guxim dhe besim që të kalojë përmes furçave të lagëta me veturën e tij kabriolet, do ta fitojë një larje falas.