O’Connell pret në takim Era Istrefin

Era Istrefi viziton Ambasadën e Britanisë së Madhe në Kosovë, takohet me ambasadorin Ruari O'Connoll.

Këngëtarja shqiptare me famë ndërkombëtare, Era Istrefi gjatë ditës së sotme është pritur në takim nga ambasadori britanik, Ruari O’Connell.

Me anë të një njoftimi në “Facebook”, Ambasada e Britanisë së Madhe ka njoftuar në lidhje me takimin.

“Kënaqësi për të mirëpritur Era Istrefi në Ambasadën Britanike sot, pas suksesit të saj të mahnitshëm në Moskë. Era u takua me ambasadorin britanik Ruairí O’Connell dhe ata diskutuan për kreativitetin e Londrës në kategori botërore”, njofton Ambasada.

Era Istrefi po ashtu pas performancës në Kampionatin Botëror në Rusi, disa javë më parë është dekoruar edhe me medalje nga Presidenti i Kosovës, Hashim Thaçi.