Zvicra nuk është më atraktive për azilkërkuesit e Ballkanit

Në Zvicër nga vera, numri i azilkërkuesve nga Ballkani është përgjysmuar ndërsa në të njëjtën kohë është dyfishuar numri i tyre në Gjermani

Zvicra nuk është më destinacioni i parë për azilkërkuesit nga Ballkani. Në Gjermani ka më shumë para, dhe kjo ka bërë që numri i azilkërkuesve nga Ballkani të dyfishohet.Fluksi i refugjatëve në Evropë është jashtëzakonisht fleksibël dhe reagon shpejt ndaj ndryshimeve ligjore për azilkërkuesit. Këtë më së miri e argumentojnë shifrat e fundit të azilkërkuesve nga Zvicra dhe Gjermania. Në Zvicër nga vera, numri i azilkërkuesve nga Ballkani është përgjysmuar ndërsa në të njëjtën kohë është dyfishuar numri i tyre në Gjermani. Gjermania është bërë më atraktive pas një vendimt të një gjykate, e cila ka kërkuar më shumë përkrahje financiare për azilkërkuesit. Azilkërkuesit janë kryesisht romë, thotë Christoph Sander, zëdhënësi i Zyrës Federale për Migracion në Gjermani. Azilkërkuesit romë kanë braktisur shpejt Zvicrën për shkak të procedurave të shpejta të azilit”Që nga gushti për aplikantët nga Ballkani merret një vendim brenda 48-orëve ngase vendet e origjinës janë konsideruar si të sigurta”, tha zëdhënësi i Zyrës Federale për Migracionin, Michael Glauser.Për shkak të këtyre procedurave Zvicra ka më pak azilkërkues nga Ballkani.Për ekspertin për migraciona nga FDP.ja, Philipp Müller, kjo është zgjidhje në fushën e azilit, e cila duhet të aplikohet edhe me grupet e tjera. Denise Graf nga Amnesty International ka kritikuar këtë zhvillim në Zvicër.”Për romët, këto metoda janë katastrofale. Ata duhet të kthehen pa asnjë cent në shtëpitë e tyre”, tha Graf.

Mbështetja për azilkërkuesit në Evropë1. Gjermania2. Holanda3. Zvicra4. Suedia5. Britania e Madhe6. Austria7. Francë8. Itali