Gashi ia hedh fajin palës serbe për vonesat në kufi

Ministri i Punëve të Brendshme, Bejtush Gashi i ka hedhur fajin palës serbe në lidhje me vonesat e shumëta nëpër pikat kufitare.

Ministri i Punëve të Brendshme, Bejtush Gashi i shoqëruar nga Drejtori i Përgjithshëm i Policisë së Kosovë, Naim Rexha, kanë vizituar Komunën e Podujevës dhe më pas kanë shkuar në pik kalimin kufitar në Merdarë për të parë nga afër se si po zhvillohen punimet aty.

“Ky mobilizim vjen si nevojë e shtimit të fluksit të bashkatdhetarëve tanë që jetojnë në perëndim, dhe në këtë drejtim komuna është zotuar që kanë marrë angazhime shtesë për të plotësuar kërkesat që qytetarët kanë”, tha ai.

MPB thotë se kolonat në këtë pikë kalimi vijnë si rezultat i palës serbe e cila nuk po i respekton marrëveshjet e Brukselit, ndërsa probleme tek pala kosovare nuk ka dhe për një veturë pritja në pikë kontrollin e Kosovës zgjatë 3 deri në 5 minuta.