Fituesit e mëdhenj ngarkohen me pagesa për të papunët

Personat që kanë fitime të mëdha, duhet që edhe në fondin e të papunëve (ALV – AC) të paguajnë përpjestimisht shuma më të mëdha të hollash. Kështu, në të ardhmen edhe njerëzit, që kanë të ardhura vjetore më të larta se 315 mijë franga do të detyrohen të paguajnë përqindjen përkatëse të kontributit për fondin e përmendur.

Këshilli Federal ia ka kaluar në shqyrtim iparlamentit këtë ndryshim të propozuar.

Aktualisht, në pagat vjetore deri në 126 mijë franga ndahet pjesa e kontributit për ALV-në prej 2.2 për qind.

Nga pagat në mes të 126 mijë dhe 315 mijë frangave deri më tash është ndarë e ashtuquajtura “përqindja e solidaritetit”. Ndërsa përfituesit e pagave që kanë kaluar mbi 315 mijë franga, deri më tash kanë qenë të liruar nga detyrimi i pagesës për ALV-AC.