Dhjetëra viktima pas sulmit në kufirin iranian

Dhjetëra të vrarë natën e kaluar pas një sulmi në kufirin iranian.

Së paku 10 rojtarë të kufirit iranian janë vrarë gjatë natës në një sulm të personave të paidenftifikuar, raportuan mediat iraniane.

Sulmi ndodhi në Marivan, zonë kurde, rreth 620 kilometra larg Teheranit, shkruan REL, përcjell Albinfo.ch.

Të gjitha viktimat janë pjesë e rojeve. Gjatë sulmit, disa sulmues të përshkruar si “banditë dhe terroristë”, u vranë, dhe disa të tjerë u plagosën.

Një eksplodim gjatë sulmit në një depo të municionit, shkaktoi dëme të mëdha.

Ky është sulmi më i madh në numër ndaj trupave iraniane të vrarë, gjatë viteve të fundit, në zonën ku luftimet në mes forcave iraniane dhe atyre kurde si dhe të militantëve të Shtetit Islamik, janë të zakonshme.