Ahmeti: Komuna nuk lëshon leje për fishekzjarre

Një debat shtë hapur këto dy ditët e fundit në Kosovë në lidhje me një koncert të organozizuar nga ana e ProcreditBank e cila po pret ta nis duke hedhur në ajër 1 ton fishekzjarre.

Gjatë një koncerti të Procreditbank, Foto: PCB

Aktivistë e shoqëri civile kanë protestuar në afërsi të Bibliotekës Kombëtare në Prishtinë, duke shprehur mllef për gjuajtjet e fishekzjarreve të planifikuara gjatë mbrëmjes së sotme.

Sipas mediave në Kosovë, Ministria e Punëve të Brendshme e ka lejuar gjuajtjen e fishekzjarreve nga ana e bankës Procredit Bank.

Me anë të një njoftimi në profilin zyrtar “Faceook”, Kryetari i Komunës së Prishtinës ka bërë me dije se komuna që udhëhiqet nga ai nuk e ka të drejtën të lëshojë leje për hedhjen e fishekzjarrëve.

Ai ka thënë se dikasteret e tij kanë lëshuar leje vetëm për mbajtjen e koncertit nga Elvana Gjata, të organizuar nga banka ProCredit, pas të cilit do të hidhen një ton fishekzjarre, shkruan Albinfo.ch.

“Komuna e Prishtinës nuk lëshon leje për fishekzjarre sepse nuk ka kompetencë. Po e bashkangjes edhe ligjin edhe lejen që e kemi lëshuar për koncertin. Çdo vit ProCredit organizon koncertin e përvjetorit me artistë të njohur dhe çdo vit ne kemi lëshuar pëlqimin me kushtin që të marrin lejen e Universitetit te Prishtinës. Për mjete piroteknike i kemi drejtuar tek MPB dhe policia siç e kërkon Ligji. Në Prishtinë, PCB ka financuar dy parqe të mëdha, në Dardani dhe Heroinat. Për këtë, i falënderojmë”, ka shkruar Ahmeti.