Ulje rekorde e numrit të të papunëve në Zvicër

Një total prej 106'579 njerëz janë regjistruar si të papunë në qershor në qendrat rajonale të punësimit (RAV). Kjo është 2.6 për qind më pak se në muajin e kaluar dhe një e pesta më pak se vitin e kaluar

2.4 përqind e fuqisë punëtore u regjistruan si të papunë gjatë muajit qershor. Norma ka rënë në nivelin më të ulët në dhjetë vjetët e fundit. Rregullimi sezonal ka bërë që norma e papunësisë mbeti në 2.6 për qind.

Një total prej 106’579 njerëz janë regjistruar si të papunë në qershor  në qendrat rajonale të punësimit (RAV). Kjo është 2.6 për qind më pak se në muajin e kaluar dhe një e pesta më pak se vitin e kaluar, siç njoftoi Sekretariati Shtetëror për Çështjet Ekonomike (SECO), shkruan albinfo.ch.

Numrat nuk janë befasi. Shumica e ekonomistëve të intervistuar kishin pritur një kuotë prej 2.4 për qind, vetëm ekonomistët e UBS pritnin 2.3 për qind. Me kuotën e rregulluar sezonale, ekspertët parashikuan 2.6 deri 2.7 përqind.

Si ekonomia e mirë ashtu edhe zhvillimi sezonal kanë kontribuar në nivelin më të ulët në këtë dhjetëvjeçar. Nga marsi deri në maj, një sistem i ri i regjistrimit të automatizuar kishte shkaktuar mospërputhje në të dhëna. Në qershor, futja e sistemit të ri tashmë ka përfunduar, shkruan SECO, përcjell albinfo.ch

Numri i të papunëve të rinj ka shënuar rënie me 1.5 përqind në qershor krahasuar me muajin paraprak dhe me 23.9 për qind krahasuar me vitin e kaluar. Në total, 10,737 ppersona nga 15 deri në 24 vjeç u regjistruan si të papunë. Kjo rezulton me një normë papunësie prej 1.9 përqind. Numri i të papunëve mbi moshën 50 vjeç u ul me 2.9 për qind krahasuar me muajin maj dhe me 14.1 për qind krahasuar me vitin e kaluar. Shkalla e papunësisë së tyre është 2.3 për qind.

Më shumë vende të lira të punës janë gjithashtu të disponueshme për të papunët: numri i vendeve të lira të regjistruara është rritur me 10.9 për qind krahasuar me vitin paraprak në 16.854. Brenda një viti, ato u rritën me më shumë se një të tretën.