Sot, ditë zgjedhjesh në Aargau

Edhe dy shqiptarë në mesin e kandidatëve: Bashkim Rexhepi dhe Mërgim Gutaj, janë kandidatë të Partisë Socialdemokrate

Në kantonin Aargau mbahen sot zgjedhjet paralelsiht, për parlamentin dhe për qeverinë e kantonit. Është hera e parë që të dy zgjedhjet mbahen në të njëjtën kohë.

Për vendin e tyre në qeverinë e kantonit rikandidojnë katër nga pesë qeveritarët aktualë. Në ekzekutivin e kantonit Aargau, nga viti 2009 e deri më tash postet në qeveri kanë qenë të shpërndara në pesë partitë kryesore. SVP-UDC, SP-PS, CVP-PDC, FDP-PLR dhe të gjelbrit kanë nga një ministër. Por, si partia më e fortë në kanton, SVP-PDC synon që kësaj here të marrë edhe një post më shumë në qeveri.

Ndërkaq, në zgjedhjet për Parlamentin e Kantonit, për 140 vende sa i ka ai, janë duke kandiduar 1100 veta në 13 lista.

Nga informatat që kemi deri më tash, për zgjedhjet për një vend në Parlamentin e Kantonit të Aargaut kandidojnë dy shqiptarë: Bashkim Rexhepi dhe Mërgim Gutaj. Të dy janë kandidatë të Partisë Socialdemokrate.