Zvicra, për çarmatosje nukleare

Zvicra angazhohet për kauzën që armët nukleare të hiqen nga gjendja e gatishmërisë së lartë, ku vazhdojnë të mbahen ehde sot. Shteti helvetik bashkë edhe me katër shtete tjera ka punuar në një rezolutë të OKB-së që bën fjalë për këtë temë.

Grupi punues për çarmatimin nuklear që vepron në kuadrin e Departamentit të Jashtëm të Zvicrës, e konsideron si të paqëndrueshme gjendjen aktuale në këtë fushë.

Ndonëse që nga përfundimi i luftës së ftohtë tensionet janë zbutur, edhe sot në mbarë botën armët atomike mund të aktivizohen me një të shtypur të sustës. Sipas grupit në fjalë, vetëm gatishmëria për të çmontuar këto armë mund të quhet gatishmëri e vërtetë për të bërë çarmatosjen atomike.