Tre shqiptarë plaçkiten nga policët e rrejshëm

Shqiptarët kishin marrë rrugën për në Gjermani, të ngarkuar nga bashkëfshatarët, për të blerë një traktor të vjetër

Tre persona që janë prezantuar si policë kanë kontrolluar tre shtetas të Shqipërisë të cilët kishin ardhur në Gjermani për të blerë një traktor. Kontrollimi ishte bërë në mëngjesin e të hënës në tregun e automjeteve të vjetra në Essen, Gjermani.

Shqiptarët kishin marrë këtë rrugë të gjatë, të ngarkuar nga bashkësia e fshatit të tyre, për të blerë një traktor të vjetër. Paratë, disa mijëra euro ishin nga kursimet e bashkëfshatarëve, të cilët ua kishin besuar tre përfaqësuesve.

Tre “policët” u kishin treguar shqiptarëve legjitimacionin e tyre të rremë dhe i kishin kontrolluar ata dhe veturën e tyre. Kur i zbuluan paratë, ata i morën “për t`i kontrolluar” dhe pastaj ia mbathën me një makinë VW-Passat. Dy nga tre hajnat duhet të kenë qenë rreth 30 deri 35 vjeç ndërsa i treti rreth të 55-ave. Sipas të folurës, ata duket të jenë nga Evropa lindore.

Tre të mashtruarit janë marrë në polici, ku ata u kanë raportuar përmes telefonit për ndodhinë, bashkëfshatarëve të mllefosur.Shoqata humanitare “Weiser Ring e.V” i ka ndihmuar me një shumë të vogël, shqiptarët e mbetur pa të holla.