“Marshi i shpresës” mbështet fëmijët e Haitit

Në Gjenevë është mbajtur të dielën Marshi i Shpresës, i 21-ti me radhë, i cili kësaj here u është kushtuar fëmijëve të lënduar të Haitit. Në këtë marsh kanë marrë pjesë rreth 4800 persona, shumica nxënës.

Ky manifestim u ka dhënë fëmijëve mundësinë për të shfaqur solidaritetin e tyre me fëmijët e vendeve në zhvillim. Ata, në kuadrin e këtij marshi duhet të gjejnë një “nun” ose “ndrikull” i cili ose e cila do t`u premtojë atyre nga një shumë të vogël të hollash, në varësi nga kilometrat e kaluara në këtë marshim.

Sipas organizatës Terre des Hommes, të gjithë pjesëmarrësit, marrë së bashku kanë kaluar në marshin e sivjetmë 45.000 kilometra rrugë.