Apple paguan për kopjimin e orës zvicerane

Apple ka përdorur për iPhone dhe iPad, dizajnin e orës së hekurudhave zvicerane SBB

Tashmë do të ketë një dëmshpërblim për hekurudhat e Zvicrës.

Apple ka konfirmuar se do të paguajë për vjedhjen e orës së SBB-së.

“Hekurudhat zvicerane SBB dhe Apple kanë arritur një marrëveshje për përdorimin e dizajnit të orës së stacionit të SBB-së për pajisjet si iPad dhe iPhone. Kjo çështje është rregulluar ndërmjet SBB dhe Apple edhe sa i përket licencës”, u bë e ditur sot nga SBB-ja.

“Ne jemi të kënaqur me këtë zgjidhje,” tha zëdhënësi i SBB-së Christian Ginsig.

Por mbetet enigmë sa sa është paguar dizajni i orës së SBB nga Apple. Të dy palët kanë rënë dakord që të mos zbulohet ky detaj.

Ora zvicerane, një simbol disa-vjecarë, është në formën e planetit dhe ka akrepin e sekondave me ngjyrë të kuqe.Ora simbol e hekurudhave zviceranë SBB që ndodhet në cdo tren dhe stacion helvetik është konceptuar nga inxhinieri Hans Hilfiker në vitin 1944.

Në vitin 1955 ajo u bë ora “zyrtare” dhe pjesë e identiteti të këtyre hekurudhave.