Coca Cola Hellenic zhvendoset në Zvicër

Coca Cola Hellenic bëri të ditur se do të zhvendoset për në Zvicër

Ekspertët e industrisë vlerësojnë këtë veprim si një sinjal i keq për Greqinë.

Coca Cola Hellenic është ankuar në lidhje me taksat më të larta, të cilat i ka aplikuar qeveria në Athinë, si pjesë e masave shtrënguese për të trajtuar krizën e borxhit.Kompania amerikane e pijeve Coca-Cola mban 23 për qind të aksioneve të Coca Cola Hellenic.

Vitin e kaluar, Coca-Cola Hellenic ka realizuar shitje prej 6.85 miliardë, me një fitim neto prej 330 milionë eurosh. 95 për qind të tregtisë kjo firmë e bën jashtë vendit, vetëm 5 për qind në Greqi.

Kompania mbush lëngjet Cola dhe pije të tjera nga 28 vende. Edhe pjesa në Zvicër e Coca Cola është pjesë e Coca Cola Helenic.