Botox, ilaçi i alergjisë nga poleni

Me ardhjen e pranverës ka shtim të rasteve të alergjive që shkaktohen nga polenet, studiuesit australianë thonë të kenë gjetur ilaçin

Ndër faktorët më kryesorë që ndikojnë në shfaqjen e alergjisë nga lulet janë: ekspozimi ndaj polenit, vetia alergjizuese e polenit, përqendrimi i polenit në ajër dhe madhësia e grimcës së polenit.

Stuediuesit austrialianë mëtojnë se kanë gjetur ilaçin për shërimin e alergjisë nga poleni edhe atë me Botox, trajtues i rrudhave në fytyrë.

“Molekula e helmit bakteriale Botox kishte ndryshuar duke depërtuar nëpër lëkurë nën mukozën e hundës dhe ka ndikuar në nervat që janë përgjegjëse për simptomat tipike të tilla si rrjedhja e hundëve, përlotja e syve dhe teshtitja, shpjegoi drejtori i studimit, Philip Bardin, nga Spitali Universitar në Melburn. Sipas tij, në 70 persona Botox-i është përdorur në fillim në formë xheli për hundë.

Botulinumtoxin A është përdorur në mjekësi për më shumë se 20 vjet për shërimin e problemeve me sytë, në disa vende ajo është e lejuar edhe për trajtimin e migrenës kronike. Në kozmetikë, Botox është bërë i njohur si një injeksion për trajtimin e rrudhave të fytyrës.