Tunelet e Zvicrës, me probleme sigurie

Tunelet në Gjermani, Austri dhe në Itali janë më të sigurt se ata në Zvicër

Tunelet automobilistike të Zvicrës janë treguar më pak të sigurt në krahasim me ata të vendeve evropiane që e rrethojnë Zvicrën. Një testim i bërë nga pesë klube nacionale automobilistike, ka ardhur në përfundimin se tunelet në Gjermani, Austri dhe në Itali janë më të sigurt se ata në Zvicër.

Në Zvicër janë testuar tre tunele. Në vendin e dhjetë dhe të fundit të të gjithë tuneleve të testuar të 5 vendeve ka mbetur, me gjithë përmirësimet e bëra kohëve të fundit, tuneli Isla-Bella në Graubünden të Zvicrës.

Në këtë tunel ka tepër pak dalje emergjente. Në vendin e parafundit për nga siguria është rreshtuar tuneli tjetër i Zvicrës, ai Gubrist afër Cyrihut. Këtij tuneli i mungojnë mbi të gjitha shiritat për parkim pas aksidenteve.

I vetmi tunel zviceran i kualifikuar si “i mirë” ka qenë ai Schweizerhalletunnel në Baselland.