“Vetëshërbim” në autostradë

Nga një kamion i ngarkuar me artikuj ushqimorë janë derdhur dje në autostradën A1, afër Rothristit (kantoni Solothurn) mallra ushqimore me shumicë. Kjo ofertë e padëshiruar ushqimesh mbi asfalt u ka nxjerrë telashe organeve të rendit.

Atyre u është dashur të mbyllnin njërën korsi të autostradës për kohën deri sa u pastrua rruga nga ushqimet. Dhe kjo ka zgjatur disa orë.

Një zëdhënëse e policisë së kantonit të Solothurnit ka konfirmuar për mediet pasditën e të martës se autostrada ende nuk ishte gati për qarkullim, shkruan 20minuten.ch.

Mbetet e paqartë se si ndodhi që artikujt ushqimorë të përfundonin në autostradë, por qerasja e udhëtarëve me siguri nuk ka qenë qëllimi i shoferit të kamionit.