Kamioni përplaset në kolonë, 8 të lënduar

Një aksident i tmerrshëm ka ndodhur të premten pasdite në autostradën A4, ndërmjet Baar ZG dhe Sihlbrugg, kur një kamion përplaset me shpejtësi në një kolonë prej shtatë automjetesh.

Shoferi 31-vjeçar kishte shkaktuar aksidentin ngase kishte qenë i hutuar dhe nuk e kishte parë kolonën e automjeteve, thotë policia kantonale në Zug.

Tetë persona, përfshirë dy fëmijë (8 dhe 3 vjeç), ishin lënduar në aksident.

Njëri prej tyre kishte marrë lëndime të rënda sa ishte sjellë në spital nga shërbimi zviceran i fluturakeve të shpëtimit Rega. Të tjerët janë dërguar me autoambulanaca në spital.

Shoferi i kamionit kishte shpëtuar pa lëndime. Ai kishte raportuar në polici se kishte qenë i habitur me një pajisje teknike.

Shkaktarit të këtij aksidenti i është konfiskuar patent shoferi dhe do të përballet me drejtësinë.

Rreth 200 mijë franga zvicerane janë shkaktuar dëme si pasojë e këtij aksidenti.

Autostrada në drejtim të Chur-it ka mbetur mbrëmë e bllokuar deri pas orës 22:30.