Shtatë universitete zvicerane në top 200-shen botërore

Këtë klasifikim e ka bërë publik të enjten revista britanike "Times Higher Education”

Shtatë universitete zvicerane në mesin e 200 universiteteve më të larta në botë. Kjo renditje për periudhën 2012-2013 është paraqitur në revistën britanike “Times Higher Education” . Por me përjashtim të dy universiteteve më të mira, ETH në Cyrih (vendi i 12) dhe EPF të Lozanës (vendi i 40), të gjitha të tjerat kanë humbur në renditje.

“Duke pasur parasysh madhësinë e saj, Zvicra arrin një renditje të jashtëzakonshme”, theksoi Phil Baty, redaktor i renditjes për revistën e lartpërmendur. Tri nga shkollat e larta të Zvicrës janë në krye të top 100: dy shkollat federale, Institutet politeknike federale (EPF Lozanë/ETH Cyrih) dhe Universiteti i Cyrihut.

Përveç kësaj, këto dy institute të larta i afrohen top 10 duke fituar tri vende nga 15 në vendin e 12-të dhe është shkolla më e mirë e lartë jashtë anglosaksone. Ndërsa EPFL-i është përmirësuar gjithashtu duke kaluar nga 46 në vendin e 40-të, dhe është universiteti i dytë më i mirë evropian jashtë Britanisë.

Nga ana tjetër, të gjitha universitetet, përveç ETH-së, kanë humbur pikë në radhitje. Universiteti i Cyrihut ka rënë nga vendit i 61-të në të 89-in, Universiteti i Lozanës renditet i 130-ti, një vit më parë ishte i 116-ti. Universiteti i Gjenevës ka humbur tri vende dhe ka arritur në numrin 133. Universitetet e Bazelit dhe Bernës kanë arritur në renditje vetëm në 142 dhe 151, në vend të 111 dhe 112 sa ishin vitin e kaluar

Të paarritshme mbeten universitetet amerikane dhe britanike. Ashtu si vitin e kaluar, kryeson Instituti i Teknologjisë në Kaliforni. Universiteti i Harvardit rrëshqiti në vendin e katërt, pas universiteteve Stanford dhe Oksford, të cilat kanë zënë vendin e dytë.

Përkundër dominimit të universiteteve amerikane, 51 prej tyre gjatë vitit të kaluar kanë humbur pikë në renditje. Ata u rrëzuan nga universitete e ndryshme të Azisë, veçanërisht në Kinë.

Një rritje befasuese kanë treguar universitetet në Holandë.  Dymbëdhjetë institucione arsimore  të Holandës mund të gjenden në mesin e 200 më të mirëve, numri më i madh pas Shteteve të Bashkuara dhe Britanisë së Madhe.

Të gjitha universitetet holandeze ishin në gjendje këtë vit të përmirësojnë pozicionin e tyre, shkruan “Times Higher Education”.