Rekord i njëqindvjeçarit, 100 kilometra me biçikletë

Robert Marchand ka kaluar 300 raunde në çiklizëm në stadiumin në Lyon për katër orë, 17 minuta dhe 27 sekonda

Një njëqindvjeçar ka shënuar rekord në çiklizëm duke kaluar 100 kilometra me bicikletë.

Robert Marchand ka kaluar 300 raunde në çiklizëm në stadiumin në Lyon për katër orë, 17 minuta dhe 27 sekonda.

Shpejtësia e tij mesatare ishte pak më shumë se 23 kilometra në orë. “Ka shkuar më mirë se sa kam menduar,” tha Marchand pas garës.

Kilometrat e fundit ishin pak të vështira për sportistin në moshë

Kategoria për moshat mbi100-vjeç ishte krijuar enkas për Marchand. 

Para garës, plaku 1.52 metra i gjatë me 51-kilogram ka thënë të jetë shumë i relaksuar.

“Unë ndihem mirë dhe nuk jam i shqetësuar,” tha Marchand.

Ai ka ngrënë mirë dhe ka fjetur mirë. Marchand kishte filluar me ciklizëm qysh në moshën 14 vjeçare.

Ai tha se nuk kishte ndonjë sekret për shëndetin e tij.

“Unë ndjehem si një njëqindvjeçar. Ndjehem mirë. Jam një person normal. Asnjëherë nuk e kam tepruar në jetën time. “Unë kurrë nuk kam pirë duhan e as alkohol, përveç nëpër festa,　 por në raport me gratë kurrë nuk nuk kam hezituar”, ka thënë njëqindvjeçari i cili është bërë objekt interesimi i shkencëtarëve për shkak të aftësisë së tij sportive në këtë moshë.