Islanda vendi më paqësor, Kosova, më jo- paqësor

Instituti për Ekonomi dhe Paqe, gjatë ditës së sotme ka publikuar Indeksin e Paqes Globale, ku radhit vendet më paqësore dhe ato më pak paqësore.

Në këtë indeks radhiten 163 shtete dhe territore, përcjell albinfo.ch.

Lista në këtë indeks është bërë në bazë të matjes së gjendjes nëpër tri fusha atë të sigurisë sociale, konfliktit të brendshëm dhe ndërkombëtar dhe militarizim.

Islanda prap është vendi më paqësor në botë, një pozicion që ka që nga viti 2008, ndërsa Siria mbetet e fundit në listë për pesë vite me radhë, shkruan albinfo.ch.

Nga vendet e Ballkanit, Kosova  radhitet më jo paqësorja, në vendin e 92-të, pastaj Bosnja në pozitën numër 89, Maqedonia  në pozitën 87, Mali i Zi në 58, Serbia në pozitën 54 dhe Shqipëria në pozitën 52.