Pajtim për masat urgjente në fushë të azilit

Të dy dhomat e parlamentit janë pajtuar për klauzolën që autorizon ekzekutivin për masa urgjente në këtë fushë

Marrja e masave të menjëhershme për fushën e azilit kanë gjetur mbështetjen e të dy dhomave të parlamentit të Zvicrës.

Sikur Dhoma Nacionale ashtu dhe ajo e Kantoneve janë pajtuar për klauzolën që autorizon ekzekutivin për masa urgjente në këtë fushë.

Dhoma Nacionale e ka miratuar këtë klauzolë me 120 vota për, 57 kundër dhe 2 të përmbajtur. Ndërsa Dhoma e kantoneve ka votuar me 36 vota pro, 6 kundër dhe një i përmbajtur.

Me këtë pajtim të të dy dhomave, të shtunën hyjnë në fuqi dispozitat përkatëse, me kusht që do ta kalojnë nesër votimin në Asamblenë parlamentare.

Në një rast të tillë, Këshilli Federal do të bënte testimin e procedurave të reja në fushë të azilit brenda dy viteve të ardhshme dhe në këtë mënyrë të devijojë nga ligji aktual.

Ndryshimet parashohin, veç tjerash, edhe ngritjen e qendrave të mbyllura për azilkërkuesit problematikë.