Shtrenjtohen sigurimet shëndetësore për 1.5 për qind

Kjo rritje konsiderohet më e ulta që nga aplikimi i Ligjit për Sigurime Shëndetësore në vitin 1996

Premitë e sigurimeve shëndetësore për të rriturit do të shtrenjtohen vitin e ardhshëm për 1.5 për qind. Bëhet fjalë për të siguruarit prej 19 deri në 25-vjeç, që duhet të paguajnë më shumë për sigurimet e tyre shëndetësore në vitin 2013.

Por, nga ana tjetër, kjo rritje konsiderohet më e ulta  që nga aplikimi i Ligjit për Sigurime Shëndetësore në vitin 1996. Ndërsa, për fëmijët premitë shënojnë rënie me një mesatare prej 1.4 për qind.Por, Zyra Federale e Shëndetit Publik (BAG) thotë se premitë për të rriturit ndërmjet 19-25 vjeç megjithatë do të pësojnë rritje deri në 2.9 për qind.

Kjo është kështu sipas Zyrës Federale të Shëndetit Publik (BAG), duke justifikuar rritjen me përqindjen e mjeteve që duhet të alokohen në fondin e premive të rrezikut.

Mirëpo, kompanitë e ndryshme të sigurimeve shëndetësore kanë ulur premitë për të rinjtë.

Në kantonet e Bernës dhe Neuchâtel-it, premitë mesatare të sigurimit bazë shëndetësor për të rriturit me një franshizë prej 300 frangash zvicerane, duke përfshirë mbulimin e aksidenteve kanë shënuar rritje prej 0.6, përkatësisht 0.5 për qind. Në 17 kantone të tjera bëhet fjalë për një rritje shtesë mes një dhe dy për qind.Në kantonin Appenzell bëhet e ditur për shtrenjtimin më të madh të premive në Zvicër me 4.4 për qind. Kantoni Jura i ka shtrenjtuar premitë me një mesatare 3.2 për qind, ndërsa Nidwaldeni për 2.7 për qind.