Shpërthen vullkani në Guatemala, 38 të vdekur dhe mijëra të zhvendosur

AFP

Një tërmet 5.2 të shkallës rihter ka goditur bregdetin e Guatemala. Tërmeti vjen vetëm pak orë pas shpërthimit të vullkanit Fuego i cili shkaktoi 38 të vdekur dhe mijëra të zhvendosur.

Vullkani, rreth 40 km në jug-perëndim të kryeqytetit të Guatemalës, ka hedhur gurë, tym të zi dhe hi në qiell. Agjencia Kombëtare e Menaxhimit të Fatkeqësive tha se një lumë llave goditi fshatin El Rodeo, duke shkatërruar shtëpi dhe duke djegur njerëzit brenda.

Në qytetin e Guatemalës, aeroporti i La Aurora është mbyllur për shkak të hirit vullkanik.

Kjo është hera e dytë brenda këtij viti që shpërthen vullkani Fuego, por më i madhi që nga viti 1974.